Dijetari dhe i dehuri, një tregim interesant.
Tregohet se një ditë njërin nga dijetarët e mëdhenjtë të botës islame teksa po shëtiste në rrugët e Bagdadit bashkë me nxënësit e tij, e ndalon një i dehur, që ishte rrëzuar në cepin e një rruge dhe ishte mbuluar me baltë.
O Abdullah, a është Allahu i Plotfuqishëm? - e pyet i dehuri.
Po, Allahu është i plotëfuqishëm - i përgjigjet ai duke buzëqeshur.
O Abdullah, a është Allahu i Plotfuqishëm? - pyet përsëri i dehuri.
Po, Allahu është i plotëfuqishëm -i përgjigjet përsëri dijetari duke buzëqeshur.
O Abdullah, a është Allahu i Plotfuqishëm pyet për të tretën herë i dehuri?
Herën e tretë dijetari bie në sexhde, fillon të qajë me dënesë edhe thotë tre herë: Është i Plotfuqishëm, është i Plotfuqishëm, është i Plotfuqishëm.
Pastaj urdhëron nxënësit e tij, që t'a lajnë dhe ushqejnë të dehurin. Nxënësit nuk kuptuan asgjë nga ky dialog edhe e pyetën mësuesin e tyre se çfarë pyeti i dehuri edhe cilat ishin përgjigjet e tij?
Në pyetjen e parë me pyeti a është Allahu i plotfuqishëm ta përmirsojnë gjendjen time? Edhe une ju përgjigja që është i Plotfuqishëm.
Në pyetjen e dytë me pyeti a është Allahu i plotfuqishëm që të më ngrejë në pozitën tënde? Edhe une ju përgjigja përsëri, po Allahu është i plotfuqishëm ta realizojë edhe këtë.
Në pyetjen e tretë më pyeti, a është Allahu i plotfuqishëm të të vendose ty në gjendjen time?
Qava nga frika edhe thashë tre herë po është i plotfuqishëm ta bëjë edhe këtë, rashë në sexhde dhe ju luta Allahut që t'a vazhdojë mirësinë e tij mbi mua.
Mësim: Gjendja e mirë që mund të ndodhesh sot nuk duhet të të çojë në mendjemadhësi, pozita e lartë që mund të kesh sot nuk duhet të të bëjë që t'i shikosh njerëzit e tjerë të pavlerë dhe veten tënde te veçantë. Në qoftë se je i rrethuar nga mirësitë dije se kjo është në sajë të mëshirës së Allahut, dhe jo si meritë e jotja, ai që të ka lartësuar sot mund të të sprovojë nesër. Prandaj tregu modest, i mëshirshëm dhe zemërgjerë me të tjerët, përpiqu të bësh një jetë shembullore që kënaq krijuesin dhe krijesat, dhe të siguron vazhdimësinë e mirësive të Allahut.
O Allah të lutem na mbulo me mirësitë e tua të pafundme. ![🤲](https://static.xx.fbcdn.net/images/emoji.php/v9/t70/1/16/1f932.png)